*&*&الــــجـــــزء 18*&*&
ايناس/ماما ابغى 5000ضروري
ام راكان/يابنتي توني قبل اسبوع معطيتك7000وينوديتيها؟
ايناس/قلتلك شريت لاب توب لسوسو وهذي ابيها لي انا فيه اشياء ناقصتني
ام راكان/والله شنطتي مافيها غير 3000انتظري لين يوم السبت
ايناس بعصبيه/خييير يومالسبت مو شغلي تدبرينها الحين
ام راكان/طيب ليه معصبه كذا؟
ايناس/مالكم شغل فيني
راكان/ السلام عليكم
ام راكان/هلا يمه
راكان/ خير صوتك واصل للشارع انسه انناس؟
اسناس/ مالك دخل ماباقي الا انت تحاسبني خلك في بلاويك احسن لك
طراااااخ
كف قوي على خدها طيحهاعلى الارض
راكان/ ترى صبرت عليك واجد ويمين بالله تعيدينها مايحصلك طيب
ام راكان تحضنها/ بأي حق تمد ايدك عليها ؟انا امها عمري مامديت يدي عليها
راكان/ ماسمعتي ايش قالت؟
ام راكان/وهي صادقه مالك دخل دامني موجوده
ايناس/وربي لاخليك تندم على هالكف
راكان/اقول انقلعي على غرفتك
راحت ايناس وهي مقهورة وتتحلف في راكان
راكان خرج مرة ثانيه من البيت
ام راكان اتصلت بزوجها وارسل
لها الفلوس واعطتها لحبيبه قلبهاايناس
*&*&*&*&*&*&*&*&*&*&*&
حسام خطب عاليه واهلهاوافقوا واليوم ملكلتهم
عاليه/ وااااي مو مصدقه اني صرت عروس هههههه
البنات/ هههههههههههههههههه
سحر/ الله يعينك ياحسام هذ ي من جد هبله هههه
عاليه/هبله في عينج انابس فرحانه شوي
شوق/فديتك ياقلبي ماعليك منها افرحي واستانسي
لان لو مو حسام فكر فيك كان عنستي هههههه
البنات/ ههههههههههههه
عاليه/ مالت عليج هذاوانتي رفيجتي تقولين جذيه
شوق/ ههههههه وربي امزح يابعد جبدي والله ويالله خلصي حسام جاي بالطريق
دلع/ الحين لازم منهاالزفه والله حاله
سحر/ اجل اذا اعرستي مابتنزفين؟؟
دلع/ وع ومن قال اني بعرس لا انا غير عنكم
انا بدرس وبتوظف وبس
حلا/ احلفي بس .واللهودك بس مااحد فكر فيك
دلع جرحتها الكلمه بس مابينت
هند/ من قال بالعكس هاني عنده عريس لها
البنات/ واااو دلع جاها عريسههههه
دلع/ هنوده بلاسخافه ترى مووقتك
هند / وربي اتكلم جد
رغد/ ومو اي عريسههههههه
دلع.....
سحر/ حلاوي
حلا/ خييير اعرفك ماتقولينها الا اذا تبغين شي
سحر/ امممم ابغاك تروحين تجيبين الشبكه لاننا نسيناها في البيت
وحسام جابها وبيرسل انس يعطيك اياها
حلا/ وليه ماتروحين انتي او شوق؟ وبعدين وين الاقيه عشاناخذها
سحر/ انا لسى ماخلصت وشوق عاليه ماراح تخليها تطلع صح عاليه
عاليه/ ايه صج ابيهايمي
سحر/ هو بيعطيك عند المدخل الكبير
حلا/ اوكي امري لله بروح بس اخاف هو يجيبها
سحر/ لا هو قالي برسل انس
نجلاء/ عجلو الزفه بتبداء
سحر/ دقايق حلا بتروح تجيب الشبكه .يالله روحي بسرعه
راحت حلا وكانت لابسه فستان قصير نوعاما
وفاكه شعرها وماشالله شعرهاطويل
جات عند المدخل وماشافت احد جلست على احد الكراسي تنتظرانس
حسام/ ياخي تكفى انا مااقدر ادخل تعرف عريس وحركات هههه وانس صغير
واخاف احد يلطش منه الشبكه واتوهق بعدين
../طيب اخاف احد من خواتك تطلع اوشي
حسام/ لا توي قفلت من امي وقلت لها ترسل احدي الشغالات تنتظرك عند المدخل الرئيسي
../طيب امري لله هاتها
حسام/ عجل الزفه قربت
دخل قسم الحريم وهومنحرج وخايف احد يشوفه
شاف وحده معطيته ظهرهاوجالسه على الكرسي
حلا ملت وهي تنتظروقامت ولفت تبي ترجع
وانصدمت باللي واقفقبالها
ضاري هو بعد انصدم وماقدر يقول شي
حلا ماكان عندها مجال تهرب او تغطي نفسها
قالت خير وسيله للدفاع الهجوم
حلا/ انت ماتستحي على وجهك داخل قسم الحريم
ترز خشتك وتتميلح معهالوجه
ضاري/ انتي هي عن الغلط انا جاي اعطي الشغاله الشبكه العريس موصيني
وترى مو ضاري بنعبدالله اللي يتميلح
او يستغل الفرصه ويكشف على حريم خلق الله فاهمه والا افهمج زود
والحين ناديلي اي شغاله تعطي اهل المعرس الشبكه
حلا/ لاخلاص هاتها انااعرف العروس
ضاري /لا مشكورة انا بدق على اختي تجي
حلا انحرجت وراحت تركض وجلست على اقرب كنبه لقتها
(ياربييه الحين بدال ماانقل وادخل واقفه اتهاوش مع الرجال صدق هبله.
بس ياترى من هو ؟يوووه الحين ايش بقول لسحر)
ضاري دق على امه وجات واخذت الشبكه
حلا جات وهم نازلين بالعروس
دقتها شوق/ وينك وليه مو انتي اللي جاب الشبكه؟
حلا/ بعدين بعدين
نزلت عاليه وكانت مرةمرتبكه عكس ماكانت عليه فوق
جو الحريم والبنات وسلمو عليها
وبعد ربع ساعه جاء وقت دخول حسام
دخل حسام ومعه ابوها واخوانها ضاري ومشاري
سلم على جبينها /مبروك يااحلى عروس
عاليه بالموت خرج صوتها/ الله يبارك فيك
جاء ابوها واخوانها وسلمو عليهاوطلعو
يتبع
رد: {{مابنكسر صابر لو فرصتي تمضي والحظ لو عاثر بصنع انا حظي}}
العرض العادي
