***************************
طلع ياسر بسيارته وهو مسرع
وشافه بندر ولحقه..ودق عليه جوال
بندر/ ياسر خير وش فيك مسرع عسى ماشر
ياسر/ مالك دخل انشالله اموت وافتك من هالدنيا
بندر/طيب وقف شوي ابي اركب معك
ياسر/بندر ترى والله مو رايق لك
بندر/ادري بس امانه وقف
ياسر وقف وركب بندر معه
بندر/خير وشفيك؟متهاوش مع احد
ياسر.......................
بندر/ياسر لاتخوفني عليك وتكلم
ياسر/بندر ابي منك خدمه
بندر/عيوني لك امر
ياسر/تسلم عيونك.بس ابيك تعرف لي وش بين هاني وشوق
بندر/هاني وشووق؟؟؟وش بيكون بينهم يعني
ياسر/هذا اللي ابي اعرفه لاني بموووووووت لو ماعرفت والله بموت
بندر كسر خاطرة ياسر لانه يعرف انه يحب شوق
بندر/خلاص بشوف ولو اني متاكد مابينهم شي..والحين خانا نرجع المزرعه الشيبان بيقلقون علينا
ياسر/ولو اني ماودي ارجع بس عشانك
بندر/تسلم ياخوي
***********************************************
الصبح 6ونص الكل نايم بس دلع قامت ولبست لبس رياضه وافطرت وطلعت الملعب
وجلست تلعب كورة لانها تموت فيها
عند الشباب
وليد لزمو عليه الشباب ينام عندهم
قام وليد على صوت الكورة لان الملعب مو بعيد عنهم
(الحين مين اللي مروق من العيال وجالس يلعب كورة مع هالصبح)
طلع برى وانصدم يوم شاف دلع وهي تلعب وناسيه الدنيا وما فيها
وليد(هذي اللي شفت ببيت هاني .ياترى من هي؟ انا لازم اعرف)
قرب وليد منها /سلام ياابو الشباب ممكن الععب وياك؟
لفت دلع ويوم شافته تذكرت وجهه وحست بالاحراج منه لانها مو لابسه الا لبس رياضه
ومافيه مجال تهرب او تتغطى بس مابينت وسوت نفسها مو مهتمه
دلع/ شباب في عينك انا بنت مو ولد .وبعدين وشتبي هنا يالله فارق
وليد عجبته عربجتها /انتي الحين عاده نفسك من فصيلة البنات؟ حرام عليك
تضلمينهم معك
دلع/ احترم نفسك احسن لك
وليد/ ليه يعني انتي تعرفين الاحترام؟
لو محترمه نفسك مانزلتي بهالبس ولعبتي كورة وانتي عارفه ان المجلس فيه رجال
والا تحبين تستعضين حضرتك
كف على وجه وليد!!!!!!!!!!!
وليد من الصدمه ماعرف يتكلم
بس قرب منها وليد ومسك شعرها وشدها لعنده
وباسها
ودفها وراح وخلاها
دلع انصدمت من اللي سواه وليد وراحت تركض داخل وهي بالطريق صدمه بسحر بس ماوقفت
وراحت غرفتها قفلت الباب ودخلت الحمام
وقفت قدام المرايه وغسلت وجهها وهي تحاول تمحي من وجهها وشفايفها اي اثر للي صار
بس مستحيل يمحي هالاثر من قلبها او عقلها (ليه سوى كذا ليه نذل ****)ونزلت دموعها اللي دايم تخفيها عن الكل
رجع وليد للمجلس وهو عقله وقلبه مو معه نسيهم عند دلع
هاني/ الله معك
*******************************************
ام بندر/ هند وين دلع مااشوفها
هند/ بالغرفه تقول بتنام ومو مشتهيه فطور
شوق/ اخاف تعبانه
ايناس/ لاتخافين هذي ماتمرض هههههه
حلا/ بسم الله على اختى .ليه وش فيها عشان ماتمرض مو مو زيك زيها
ايناس/ مدري بس الاولاد مايمرضون كثير زي البنات
وهي والله اعلم انها ولد مو شايفه لبسها وتصرفاتها 100%100 ولد
حلا/ اقول حدك عاد ترى زودتيها
سحر/ ايناس بس وش هالكلام
ام راكان/ وشفيكم على بنتي وهي صادقه دلع اللي يشوفها يقول ولد
لا لبس زي البنات والشعر بوي ولافيها من الانوثه شي
ام بندر/والله عجزت معها وكل ماكلمتها قالت مااحب لبس البنات المايع
ام راكان/ بصراحه ظلمتوها بهالاسم هههههه
شوق/ انا بروح اشوفها
حلا خذيني معك
راحو البنات لدلع ولقوها ميته من الصياح
شوق/ دلوعه وشفيك
حلا/ بنت احد مسويلك شي
دلع/ روحو عني روحو
شوق/ مو رايحه لحد مااعرف وش فيك
دلع/ انا مو زيكم
شوق/ كيف يعني؟
دلع/يعني انا مو بنت زيكم
حلا/ ومن قال
دلع/كلكم تقولون وسمعتكم باذني ليه وش ناقصني عنكم
شوق/ ياعمري يادلوعه انتي السبب
دلع/ انا؟؟
شوق/ ايه انتي اول شي شوفي لبسك مو فارقه عن انس بولا شي
وشعرك مايوحي بالانوثه
يعني انتي مو شايفه فيه فرق بينك وبين حلا وايناس وانا ؟
دلع/ بس انا مااحب لبس الدلع والمصاخه
حلا/ هذي اللي بنوطى ببطنها
شوق/ دلع ومن قال انك لو لبستي زين وحطيتي احمر واخضر بيقولون عنك ماصخه؟
دلع................
حلا / انتي عارفه لو لبستي تنورة قصيرة وعليها بدي ولبستي بوت
وحطيتي في شعرك ربطه وش بيصير ؟
راح تاخذين العقل لان جسمك مرة حلو ويمكن احلى من جسمي هههههه
دلع............
شوق/ الحين احنا بنخليك وانتي فكري بكلامي وشوفي وش بيطلع معك
ان خطبتي قريب يعني لو كنت ابيها كان خذتها والا انا غلطان
بندر/ معك حق بس هو يقول انه شافكم اكثر من مرة جنب بعض وباين انكم تحبون بعض
هاني/ انا حلفت لك ان مابيننا شي وبعدين انا ملاحظ عليه
انه غيران عليها وباين من عيونه انه يحبها .
وانا تعمدت اقهرة عشان اتاكد انه يحبها
يندر/ هو مو يحبها الا يموت فيها بس مو معطيته وجه
هاني/ دامه يموت فها ليش مايخطبها
بندر/يقول باقي ماجاء الوقت المناسب
هاني/ خلاص فهمه السالفه وخله يلحق عالبنت قبل تطير تارها حلوة وماتتفوت ههههه
بندر/ اقول لايسمعك تراها واصله معه هههههه
***********************************
وليد رجع بيتهم وهو مو طايق نفسه وماله خلق لاحد
حنان/ هلا والله باخوي الغالي
وليد/ هلا حنان
حنان/ ولودي ترى بعد شوي ابيك توديني السوق
وليد /قولي لزياد يوديك انا مو فاضي
حنان / لا انا ابيك انت
وليد/ اوووة انتي ماتفهمين قلتلك مو فاضي
حنان/ خلاص اسفه مايحتاج تعصب علي كذا
وليد طلع فوق وهو معصب 0دخل غرفته ورمى نفسه عالسرير
وفجأة طلعت له صورة دلع (آآآ’ انا ليه سويت كذا كيف سمحت لنفسي اغلط هالغلطه ومع مين مع اخت هاني ؟كيف بقابله بعد اليوم. لا مااظن تقدر تقوله اف اصلا هي السبب هي بس حتى ولو انا ماكان لازم اسوي اللي سويته .لازم اعتذر منها بس كيف)
مالي الا حنان هي بتساعدني بدون ماتدري
نزل تحت بسرعه ولقى حنان على نفس جلستها ومبين انها زعلانه
وليد/ حنونه لايكون زعلانه بس
حنان.............
وليد/ طيب انا اسف ويالله قومي البسي بنروح السوق
حنان / مو توك تقول مو فاضي
وليد/ بس الحين فضيت يلله عاد عن الدلع (يالى هالاسم بس)
حنان / اوكي دقايق واكون جاهزة
*****************************************
اليوم الثاني انتشر خبر خطوبه هاني وكانت الصدمه قويه على سحر اللي طاحت
اول ماسمعت الخبر واهلها اضطرو يرجعون البيت
بندر قال لياسر سالفه هاني وشوق وانهم مابينهم شي وياسر كان بيطير من الفرحه
*************************************
يعد اسبوع
ام راكان/ اسمع خذا الرقم صار عندك ابيك تخليها تذوب فيك وماتشوف غيرك
واذا قدرت تخليها تطلع معاك بتكون الدفعه اكبر
احمد اخذ الرقم/ طيب انتي وش بتستفيدين من هالشي؟
ام راكان/انت مالك دخل انت تنفذ وبس واحمد ربك اني وافقت
ادورلك شغله ترى بس عشان اختك سناء توسطة لك عندي
احمد/مشكورة وماقصرتي بس لو تكلمين
راعي الشركه يزود معاشي شوي عشان اضبط لك البنت زين
ام راكان/طيب مو مشكله اكلمه بس انت شوف شغلك زين
احمد/ من عيوني ..يالله عن اذنك
******************************************8
اليوم الثاني
احمد طلع الرقم وجلس يناظر فيه
(وش سوت هالبنت لام راكان عشان تسوي فيها كذا ؟
طيب انا وش دخلني فيهم اهم شي الجيب يكون مليان وطز في الباقي
بس فاتني شغله نسيت اسالها عن اسم البنت بس مو مهم اذا كلمتها بتعرف عليها وبتقولي اسمها
&&&&&&&&&&&&&&&
حنان/ خلاص بتجي بس انت ليش ملزم اعزمها مع البنات وانا علاقتي فيها مو ذاك الزود؟
وليد/لابس اخوها صديقي ولازم نقوي العلاقات شوي
ورغد مصاحبه اختها يعني مافيها شي لو صاحبتيها
حنان/ بس هي مدري وش اقولك
وليد/ وش فيه
حنان/ الكل يقول عنها عربجيه ومافيها ريحه الانوثه
وليد/ ماعليك منهم انتي تعرفي علي دلع عن قرب وشوفي اذا كلامهم صح او خطاء
حنان/ ماشالله وحافظ اسمها بعد
وليد/ هههه دايم اسمع رغد تتكلم عنهم وعاد تعرفين اخوك سريع الحفظ
حنان/ هههه طيب ياسريع الحفظ روح جيب مالذ وطاب من الحلويات لزوم الجلسه
شوق جالسه في غرفتها تحل واجباتها
رن تلفونها وكان رقم مو مسجل عندها
شوق/ الوو
ياسر/ هلا شوق كيفك
شوق/ من معي لو سمحت؟
ياسر/ انا ياسر
شوق/ ياسر؟خير وبعدين من عطاك رقمي
ياسر/ شوق خلني اتكلم شوي وبعدين انتي بنت عمي ومو عيب اخذ رقمك
شوق/ اظن مابيننا كلام
ياسر/ارجوك اسمعيني شوي
شوق............
ياسر/شوق انا ابي اقولك اني متاسف على اي شي حصل مني وزعلك
ترى انتي غاليه على ويمكن اغلى من عيوني
شوق.............
ياسر/ هاه شوق راضيه على والا باقي زعلانه؟
شوق/اسمع لو سمحت رقمي لاعاد تتصل عليه .وقفلت بوجهه
ياسر/ ياربي وش اسوي مع هالبنت انا ليه حظي كذا؟
بس انا لازم اشوف لي حل معها
***************************************
سحر/ شوق ممكن تبادليني بشريحتك؟
شوق/ليه؟
سحر/ماابي اضعف واتصل بهاني
شوق/ ليه باقي عندك امل فيه؟
سحر/لا بس انا كل يوم ادق عليه اسمع صوته وافقل
وعشان كذا ابي شريحتك لاني مو حافظه الرقم
فما اقدر ادق وترى شريحتي مليانه مو فاضيه
شوق/ اوكي مو مشكله نتبادل كم سحر عندي
سحر جات وحضنتها/ فديتها ياناس
***************************
البنات وصلو عند حنان وطبعا دلع جات
معهم بعد اصرار حنان عليها
حنان/ هلا والله تو مانور بيتنا
شموخ/ منور باصحابه
حنان/ كيفك دلع وكيف خواتك؟
دلع/ تمام وانتي
حنان/الحمد لله زينه
عفاف/ زينه والا نحول هاهاها
ام راكان/ابو راكان لقاك عند المسجد وهو رايح يصلي الفجر وكسرتي خاطره وجابك عندي ولما مااحد سال عنك قال خلينا ناخذ فيها اجر ونربيها مع عيالنا
وانا ماكان عندي خيار الا اوافق
رد: {{مابنكسر صابر لو فرصتي تمضي والحظ لو عاثر بصنع انا حظي}}
*&*الـــــجــــــزء 14*&*
نجلاء/فهد انت شتقول مو فاهمه شي
فهد/ انتي تعالي المستشفى وبفهمك كل شي
بندر/ خير وشفيه فهد؟
نجلاء/ مدري يقول في المستشفى وعنده مشكله ولازم اجي
بندر/ خلاص قومي البسي بوديك
نجلاء/ ومشوارك؟
بندر/ ماعليك باعتذر منهم بس اخلصي
نجلاء /دقايق بس
وراحو لفهد المستشفى
نجلاء شافت فهد وباين عليه التوتر
نجلاء/ خير فهود خوفتني وش صاير؟
فهد/ صدمت وحده بسيارتي وهي الحين بالعمليات
نجلاء/ ماتت ؟؟؟
بندر/ فال الله ولا فالك خلينا نفهم السالفه.فهد البنت صارلها شي؟
فهد/ مدري الدكتور يقول كسر برجلها اليمين
بس والله مو قصدي ..هي اللي طلعت في طريقي فجأة
بندر/ لاتخاف انشالله مافيها الا العافيه خلنا
نروح للدكتور ونتاكد منه عن حالتها
نجلاء/ اهلها يدرون؟
فهد/ وانا وش دراني عنهم
نجلاء انا جبتك عشان تدخلين عندها وتشوفينها
لاني مااقدر ادخل عليها وبالمره تسألينها
على اهلها وتدقين عليهم
نجلاء/ خلاص عيوني انت تطمن انشالله انها بخير
فهد بحزن/ انشالله
فهد هذا اخو نجلاء عمرة32 ارمل زوجته وبنته ماتوا
بحادث سيارة قبل 6سنوات
*&*&*&*&*&**&*&*&*&*&**&*&*&*&*&*
شوق جالسه بغرفتها بعد ماخلصت شغل البيت اللي الشغاله
ماقامت تسويه بناء على طلب ام راكان
نامي عالسرير وفجأة خطر على بالها شي
راحت للدولاب وطلعت علبه حمراء
>>>>تتذكرونها صح؟عفيه عليكم شاطرين
فتحت العلبه وطلعت السلسال ولبسته وراحت للمرايه
(سامحني ياسر كل هالوقت كنت ظالمتك واعاملك
ازفت معامله وانت متحملني وساكت .
بس صعب اروح اقوله انا اسفه وسامحني)
*&*&*&*&*&**&*&*&*&*&**&*&*&*&*&*
بنفس الوقت ياسر جالس بغرفته ويسمع لماجد المهندس
*كون يمك الف هنياله اليوم
الف هنياله الليله اللي نام يمك
انا احبك واحب كل حرف باسمك
انا احس يجرن سوى دمي ويا دمك
كومن يمك كون ابوسك كون احضنك
كون اشمك كون اضمك كون احط راسي
على صدرك بلكي صدري يزيل همك*
ياسر(اه ياشوق متى تحسين فيني )
قام واخذ مفتاحه ولبس وطلع
*&*&*&*&*&**&*&*&*&*&**&*&*&*&*&*
شوق خذت كتابهاوراحت للحديقه تحل واجبها لانها تحب تجلس هناك
ناصر/ اشوى والله على بالي بتقولين شي ثاني مو مشكله اذا هذا السبب
راح تتعودين علي مع الوقت
سحر/ انشالله
ناصر/ والله ودي اسولف معك للصبح بس لازم انام وراى دوام من الصبح
سحر/ مو مشكله
ناصر/ باي حبيبتي
سحر/ باي
شوق/ سحورة شكل الولد يحبك ليش قاسيه عليه كذا؟
سحر/ مو كفايه اني مغصوبه عليه بعد تبغوني احبه ؟
شوق/بس هو وش ذنبه ان خالتي غصبتك ؟هو مايدري
سحر/ والله عاد ذنبه والا مو ذنبه انا ماابيه
شوق/ ايش؟هالحين ماتبينه؟ ليه ماقلتي كذا قبل الملكه؟
الحين الناس وش بتقول عنك؟
سحر/ طز فيهم ماهني احد
شوق/ سحورة نصيحه مني لاتخسرين ناصر
سحر........................
*&*&*&*&*&**&*&*&*&*&**&*&*&*&*&*
سامي/ خذي هذي واذا خلصت تعرفين البيت
ايناس/بس هذي شويه ماتكفي وانت قلت بتعطيني اكثر من كذا؟
سامي/ الحين مشي حالك بهذي وبعدين ربك يحلها
ايناس/طيب السواق راح وابيك توصلني
سامي/ اوكي من عنوني كم ايناس عندي
*&*&*&*&*&**&*&*&*&*&**&*&*&*&*&*
شوق بغرفتها وتسمع اغنيه مابنكسر صابر
واللي صارت ماتسمع غيرها من يوم ماعرفت انها مو بنتهم
***
ما بنكسـر صابـر .. لو فرصتي تمضــي
والحظ لـو عاثـر .. بصنــع أنــا حـظــي
لــو تنثـر أحـلامـي .. برجــــع أرتبـــها
ولو تصعب أيامـي .. بعيش وماحسبها
يامسهل الدنيا مهما تعاندنا
عادي التعـب عادي .. والهم هو ملحه
ولو ما الحزن بادي .. مانفهم الفـرحه
*******
وهي تسمع دق الباب
رد: {{مابنكسر صابر لو فرصتي تمضي والحظ لو عاثر بصنع انا حظي}}
&*الجزءالخامس عشر*&
نجلاء/لاابشرك اليوم احسن من اول
والدكتور قالها بتطلع بعد يومين
فهد/ الله يبشرك بالخير
نجلاء/ياحليلها تقول تاسفي لي من اخوك
انا اللي غلطانه كنت سرحانه وماانتبهت للسيارة
فهد/قولي لهااهم شي انها بخير وماصار لها شيء اكبر.يالله انا بروح
والله كان ودي اشوف هالدب معاذ
نجلاء/والله نايم وماصدقت على الله ينام والا كان صحيته
فهد/ هههه الله يحفظه لكم اجل اخليك وسلمي على بندر
نجلاء/ الله وياك ياخوي
*&*&*&*&*&**&*&*&*&*
هند بعد مارفضت العريس زعل
ابوها عليها كم يوم وبعدين رضي
بس امها مصره تعطيها لولد خالتها محمد وهي رافضه
*&*&*&*&*&**&*&*&*&*&**&*&*&*&*&*
اليوم ياسر راح المطار يستقبل خالته ام صقر وعيالها
واخذهم من الطار على فلته
ياسر/ والله توها نورت جده
ام صقر/ منوره باهلها والله الا انت كيفك طمني عنك
صقر/لا شكله تمام مو شايفه الوجهه ينور مو زي يوم جانا هههههه
ياسر/ هههه قول ماشالله ترى عينك حارة
صقر/ انااااااحرام عليك لاتطلع عني اشاعات عند اهل جده ههههههه
ياسر/خلها عندك اضمن
ابوراكان/ اجل خها وحطها بالخزنه
ام راكان طلعت معصبه
ابو راكان/ ياسر متى نويت انت وشوق عالخطبه؟
ياسر/ والله الود ودي اليوم قبل بكرة بس هي تقول لما تحلص هالسنه
ابو راكان/ والله ودي افرح بكم قبل اموت
ياسر/ بعد عمر طويل
*&*&*&*&*&**&*&*&*&*&**&*&*&*&*&*
فهد سوى عزيمه كبيرة لجود واهلها عشان سلامتها
رد: {{مابنكسر صابر لو فرصتي تمضي والحظ لو عاثر بصنع انا حظي}}
العرض العادي
