سج ــل ح ــظوركـ بأسم شـآآآع ـــر وصورته وقصيدته ...

الملف الشخصي · 04-16-2010, 05:05 AM

قالوا الشقاء وشهو الشقاء قلت الشقاء ظلم السنيين
( أحدن يمر ويتعبه ) .. ( وأحدن يمر ويقهره )

قالوا الحزن وشهو الحزن قلت الحزن .. دمعه وعين
أحدن قوي .. ويصطبر.. وأحدن تبلل محجره !!

قالوا الوفاء .. وشهو الوفاء قلت الوفاء .. مسالم يدين
واللي يغدر في صاحبه .. عاد الليال بتغدره !!

قالوا الجفاء .. وشهو الجفاء قلت الجفاء .. قسوه ولين
يما تغلى صاحبك .. و يما ملقيك أظهره !!

قالوا الوصل .. وشهو الوصل قلت الوصل.. ماله وزين
يبري جروح ما برت .. والعفو عند المقدره !!

قالوا الأمل.. وشهو الأمل قلت الأمل .. في نظرتين
أحدن يحاول يكسبه .. وأحدن يخاف أن يخسره !!

قالوا الرجاء .. وشهو الرجاء قلت الرجاء .. قلب حزين
يمشي على تراب الأمل ’’ ويخاف لا يسفى ثره

قالوا الوجيه .. اشهي الوجيه قلت .. هي من جانبين
( وجه يزينه العفاف ) .. ( وجه زين بمظهره )

قالوا الحكي .. وشهو الحكي قلت الحكي .. ما بين بين
خير الحكي ما قل دل .. وزبدة القول ( أثمره )

قالوا الخجل .. وشهو الخجل قلت الخجل .. بالعام زين
( بس الخجل لا سار دون الحق .. خزي ومحقره )

قالوا الزمن .. وشهو الزمن قلت الزمن .. في ساعتين
ساعة طرب نفس وهوى .. وساعة خشوع وتذكره

قالوا الغلا .. وشهو الغلا قلت الغلا .. حب دفين
والحب لا قد هو حقيقه ودك أنك تستره !!

قالوا الخطاء .. وشهو الخطاء قلت الخطاء .. الله يعين
أحدن ما لا خطاءه عذر .. وأحدن اليا أخطاء تعذره

قالوا المره .. وشهي المره قلت المره .. ضلع لدين
يبقى على طول أعوج .. ومن جاء يعدله كسره !!

قالوا الرجل.. وشهو الرجل قلت الرجل .. في حالتين
أبختصرها والذكي لا جاه حكيي فسره

( رجل سليط وكلمته ماهي تغدي لك كلمتين
ورجل مع العالم رجل .. لكن مسيرته مره !!)

.. حمد البريدي

الملف الشخصي · 04-16-2010, 05:06 AM

. .~ أحمد الصانع ~ . .

جاني واحد قال : بسـأل كـم سـؤال
وقبل يسأل قلت : أنا مانـي خبيـر !

قال: جاوب بس , يـا ولـد الحـلال
وكل كلمه حِطَّهَـا .. بشطـرٍ صغيـر

قال نبدي : شنهو تعريف (المُحَـال)..؟

قلت : خَل هالكلمه فـ الشطر الأخير ..!

(القهر) : إنشفـت دمعـات الرجـال

و(الوطن) : ( إنسان ) .. مِتغيِّر كثيـر

و(الطفل) : لعبه علـى شاطـيالرمـال

و(الأمل) : إحساس في عيـن الضريـر

الوفا) : [ قلبين ] .. يجمَعهُـمحـلال

و(الرَجُل) : اللـي علـى أهلـه يغيـر

و(الرجـا) : لا قلـت : للواطـيتعـال

و(الفشل) : مـدري .. ولكنـه مريـر

و(الشعر) : في وقتنا .. بـدر وطـلال

زينوأوَّل : حيل يعجبني جريـر ..!

و(الغلا) : إحسـاس إلـى حَـدالخيـال
و(العِشِق) : لا شفت مَعشُوقِـك تطيـر

و(الجفا) : إعكس مفاهيـم / الوصـال
و(الوَصِل) : يعنـي تأكَّـد فيـك خيـر

و(العقـل) : تِسْفَـه أقاويـل الجـهـال
و(الجهل) : إن قلت عن نفسـك كبيـر

و(الخطر) : لا صار مـا عنـدك مجـال
و(البلا) : إن صـرت معـدوم الضميـر

و(العجب) : لا صرت تسأل منهـو قـال
و(التعب) : إن كنت تِبْحَثْ عن مصيـر

(الغنى) : بالنفس مـا هـو راس مـال
و(الفقر) : من كان .. بأعمالـه فقيـر

يكفي يكفي .. أسئلـه إنهـي الجـدال
ويالله علمني عَن .. السِّـر الخطيـر

ما أبي تضربلي في غيـرك مثـال
قول : عنِّك وإعتبر سِـرِّك فـي بيـر

جات طعنـه مِـنجنوبـك و الشمـال
يعني وضعِك بين مِن حُولـك خطيـر

صاحبـي وإن ضاقـتبعينـك ليـال
لك فرشت القلـب مفـروش الحريـر

في [ بلادالحلـم ].. ممنـوع العقـال
والمصيبه الشعب مـا إختـار الأميـر

وما ألومك .. كـان شدِّيـت الرحـال
دام بيتك جـرح / وفراشـك حصيـر

هـذا تعريفـي إلـى كلمـة(محال)
شيء ودِّك فيهولا يمكـن يصيـر ..!

الملف الشخصي · 04-16-2010, 05:07 AM

قال الفراق ؟وقلت وش عاد يعني
منّاك يالله لو سمحت اقطع الصوت
واشوى!بحزّة قلتها ماسمعني
وش عاد يعني!!مادريت انه الموت
وقال الغرام؟وقلتله مانفعني
هذاك لو اني حظيظن ومبخوت
وقال العناد؟وقلتله مامنعني
مكثر من اعناد(ن)على لعب بيلوت
وقال الغرور؟وقلتله مارفعني
ماظنتي بأن الكبر يعمر بيوت
قال التواضع؟قلت بالله طعني
خلك عليه بذمتي تقطف التوت
قال التسّرع؟قلتله ماتبعني
ماينفعك لاصيّحوا فاتك الفوت
وقال الصحيح؟؟وقلت طبع(ن)طبعني
ماهو لباسن تلبسه لبسة الكوت
وقال الشعر؟قلت الشعر ماوسعني
يكفيك بندر والفراوي وبخّوت
بالله كفعن السؤال ودعني
يعني خلاص الصمت لولو وياقوت
قال الفراق؟وقلت وش عاديعني
بكل برود ومادريت انه الموت

عبدالكريم الجباري

الملف الشخصي · 04-16-2010, 05:08 AM

مهندس الكلمة الشاعر العذب .. ( بدر بن عبدالمحسن )

آه ..يا العطش
جفت اشفاهي
وصوتي الواهي ارتعش
لو حبيبي ما .. ما سقاني الما
لو شربت أظما لحبيبي .. وللعطش

يا سموم القيظ ..جفت عروقي
تحتي الرمضا..واللهب فوقي
والعطش شوقي .. وشوقي للعطش
اسقني عيونك حبيبي .. أو أموت
ما ابي رمشك نعش

يا وسامي الحب ..امطري في القلب
الزهر والعشب ..قلبي يا مطر
الظما .. والجوع .. بعدك .. والدهر
لو حبيبي ما .. ما سقاني الما
لو شربت أظما لحبيبي .. وللعطش

/

الملف الشخصي · 04-16-2010, 05:11 AM

حرمت عيني

حرمت عيني يالغلا لذة النوم
وقلبي كسير ماتحمّل همومه
طيفك ذبحني زاد لي همي هموم
والشوق سيف اهلكتني عزومه
ماكنت أنا احسب ينهزم قلبي بيوم
لينك ذبحته وطاح من غير قومه
مشتاق وروحي معك دايم ودوم
والنفس صارت في هواك امحرومه
ياويل قلب عايش منك محروم
امسى قتيل وانت اقصى حلومه
ملزوم صبحه والمسا فيك ملزوم
ويعيش لجلك كل لحظات يومه
يعني في بعدك حالي يصير معدوم
وجسمي نحيل وغصب شايل هدومه
ياللي غرقت بدنيك كيف باعوم
بحرك غزير وصعب مثلي يعومه
ياللي تنام الليل شرواي مهموم
رجع لمحبوبن سهر فيك نومه
علمني بعدك بالهوا منهو الوم
منهو يحامي خافقي من خصومه
ياكيف تجفاني والفؤاد مظلوم
مدري ألأومك أنت ولا ألومه

نهى نبيل

الملف الشخصي · 04-16-2010, 05:13 AM

قصيدتـي زاد بعيونـي جمالـهـا
واخذت أنقـي بالمعانـي جزالهـا

واكتب معانيها من الشوق والغـلا
لأمي وأنا اصغر شاعر ٍمن عيالهـا

كتبتها في غربتـي يـوم رحلتـي
لمـا طرالـي بالسفـر ماطرالهـا

امي وانا بوصف لهـا زود حبهـا
وان ماحكيت لها قصيـدي حكالهـا

امي لها بالقلب والجـوف منزلـه
مكانـة ماكـل محـبـوب نالـهـا

اقرب من ظلالي وانا وسط غربتي
وانا تراي اقرب لها مـن ظلالهـا

ماشافت اعيوني من الناس غيرهـا
ولا خلـق رب الخلايـق مثالـهـا

اغلا بشر في جملة النـاس كلهـم
واكرم من ايدين المزون وهمالهـا

اتبع رضاها ورتجـي زود قربهـا
واللي طلبته من حياتـي وصالهـا

الصدق مرساها والاشواق بحرهـا
والعطف واحساس الغلا راس مالها

اهيم فيهـا وابتسـم يـوم قلبهـا
يسأل وانا قلبي يجـاوب سؤالهـا

وان اطلبتني شـي فزيـت مندفـع
اموت أنا واحمـل تعبهـا بدالهـا

واصبر على الدنيا والاحزان والتعب
واحمل على متني فطاحـل جبالهـا

واسهر اعذب راحة القلب بالشقـا
واعيش اعاني بس يرتـاح بالهـا

تربية ابوي اللي على الطيب بذكرة
اللـي وهبنـي الحيـاه ومجالهـا

نور لي ادروبي وانا طفل مبتـدي
حتى تركني واحـد مـن رجالهـا

الوالدين اولـى بالاحسـان لجلهـم
وأولى بتكريـم النفـوس وعدلهـا

اقولهـا وانـا علـى الله متـكـل
والله عليـم بقدرتـي واحتمالـهـا

ياكلمة اغلـى مـن النـاس كلهـم
ياشمـس بقلبـي بعيـد زوالـهـا

يافرحة تملي لـي الكـون باكملـه
ياشجـرة تكبـر ويكبـر ظلالهـا

تضحك لي الدنيا ليا شفـت زولهـا
مثل السمـا تزهـا بطلـة هلالهـا

والبعد عنها ياهل العـرف ماقـدره
لاشـك نـاري زايـدة بشتعالهـا

ماعيش ببلاد ولاهيـب بأرضاهـا
ولابي عيوني كـان ماهـي قبالهـا

أرض ٍ تدوس امي بالاقدام رملهـا
اموت فيها واندفـن فـي رمالهـا
*************

الملف الشخصي · 04-16-2010, 11:52 AM

( على كيفـــك )

على كيفك وإنته حـــــــــــــــــر حبيبي قلبي متعود
هذاك أول وقلبي كــــــــــــــــان يبكي فرقت أحبابه
اذا بتـــــــــــــــروح تفضل روح بس لا تقعد تمهد
ترى ما في أحد يسوى تهل دمـــــــــوعي بأسبابه

الملف الشخصي · 04-16-2010, 10:41 PM

يشرررفني مروررج]

الملف الشخصي · 04-20-2010, 04:38 AM

فهد المساعد

كنت اشوفك في حياتي كل حاجه
ديرتي بيتي طموحي ذكرياتي

صرت بعد الغدر واسرار المواجهـ
ماأشوفك اي حاجه في حياتي

الملف الشخصي · 04-21-2010, 03:58 AM

فنجال بن راجـس ياشيـخ الفناجيـل

خلـك مـع السبـعـان ولا معـانـا
علـى خوياهـم ماتضيـق المداخيـل
وحنا بعـد ماهـي تضيـق أخويانـا
ولانقصـر فـي الرجـال المشاكـيـل
قبايـل مــن قدامـنـا او ورانــا
ياكـن ياطلعـة كـرى وادي السيـل
حرك نسيمـه خافـي الشـوق وانـا
غنيـت للمـرزم وغنيـت لسهـيـل
لملوكـنـا وشيوخـنـا وقـصـرانـا
واللـي غلاهـا كـل ماعالـت يعيـل
ورموشهـا سـود وتبـانـا تبـانـا
لو ان حن يوم أبرهه جا علـى الفيـل
علـى حـدود قريـش كانـت حمانـا
ما أرسـل عليـه الله طيـوراً ابابيـل
لأنـه هـو اللـي عزنـا وأصطفانـا
ومن أشرف أهل الهجن والطيب والخيل
ثلاثـة اربـاع المـلـوك أنسبـانـا
وبنـت الـردي ماتنوخـذ للحلاحيـل
تفاخـروا علـى النسـاء يانسـانـا
حريمنـا قـدوه لبعـض الرياجـيـل
وشف فوق بعـض العـرب مستوانـا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

سج ــل ح ــظوركـ بأسم شـآآآع ـــر وصورته وقصيدته ...

شعر و شعراء